മെഴ്‌സിഡീസ് മെയ്ബാക്ക് ജിഎൽഎസ് 680ന്റെ പരിഷ്കരിച്ച 2026 പതിപ്പ് ആഗോള വിപണിയിൽ അവതരിപ്പിച്ചു. പുതുക്കിയ ഹെഡ്‌ലൈറ്റ് രൂപകൽപ്പന, ഗ്രിൽ, മുൻ-പിൻ ബമ്പറുകൾ, ആഡംബര ഇന്റീരിയർ ഘടകങ്ങൾ എന്നിവയാണ് പ്രധാന മാറ്റങ്ങൾ. 4.0 ലിറ്റർ ട്വിൻ ടർബോ വി8 പെട്രോൾ എൻജിനോടൊപ്പം 48 വോൾട്ട് മൈൽഡ് ഹൈബ്രിഡ് സംവിധാനവും വാഹനത്തിലുണ്ട്. യാത്രാസുഖം വർധിപ്പിക്കുന്ന സസ്പെൻഷൻ, പ്രീമിയം സീറ്റുകൾ, നവീകരിച്ച ഇൻഫോടെയ്ൻമെന്റ് സംവിധാനം എന്നിവയും പുതിയ മോഡലിന്റെ സവിശേഷതകളാണ്.