കേരള കാർഷിക സർവകലാശാലയിലെ കോളജുകളിൽ ഡി.ജെ പരിപാടികൾ നിരോധിച്ച രജിസ്ട്രാറുടെ ഉത്തരവിനെതിരെ വിദ്യാർഥി യൂണിയൻ പ്രതിഷേധിച്ചു. കൃഷിമന്ത്രിയുടെ സാന്നിധ്യത്തിൽ യൂണിയൻ ചെയർമാൻ ഉത്തരവിന്റെ പകർപ്പ് കീറിയെറിഞ്ഞു. വിദ്യാർഥികളുടെ സാംസ്കാരിക പരിപാടികളെ ഏകപക്ഷീയമായി നിയന്ത്രിക്കരുതെന്നാണ് യൂണിയന്റെ നിലപാട്. വിഷയത്തിൽ സർവകലാശാലയുടെ തുടർനടപടി നിർണായകമാകും.