ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവൽ സൗദി അറേബ്യയിൽ ഔദ്യോഗിക സന്ദർശനം നടത്തി. ഊർജസുരക്ഷ, ആഗോള വിതരണശൃംഖല, അന്താരാഷ്ട്ര ജലപാതകളുടെ സുരക്ഷ, മേഖലാ സ്ഥിരത തുടങ്ങിയ വിഷയങ്ങളിൽ സൗദി നേതാക്കളുമായി ചർച്ച നടത്തി. ഇന്ത്യയും സൗദി അറേബ്യയും തമ്മിലുള്ള സുരക്ഷാ സഹകരണം, രഹസ്യാന്വേഷണ ഏകോപനം, സാമ്പത്തിക ബന്ധം എന്നിവ കൂടുതൽ ശക്തിപ്പെടുത്താനും ധാരണയായി. ഹോർമുസ് ഉൾപ്പെടെയുള്ള പ്രധാന കടൽപാതകളിലെ സംഘർഷസാധ്യതയും ചർച്ചയായതായാണ് വിവരം.