മുൻ ഉഗാണ്ടൻ ഭരണാധികാരി ഇദി അമീന്റെ കൊച്ചുമകനായ അസീസ് അബ്ദുൽ കോമൺവെൽത്ത് ഗെയിംസ് സൂപ്പർ ഹെവിവെയ്റ്റ് ബോക്സിങ് മത്സരത്തിൽ അയോഗ്യനായി. ഇംഗ്ലണ്ടിന്റെ ഡാമർ തോമസിനെ ഉദ്ദേശപൂർവം തലകൊണ്ട് ഇടിച്ചുവെന്ന് റഫറി വിധിച്ചതിനെ തുടർന്ന് മൂന്നാം റൗണ്ടിൽ മത്സരം നിർത്തുകയായിരുന്നു. അപ്പോൾ തോമസ് 20–16ന് മുന്നിലായിരുന്നു. അസീസ് തീരുമാനം ചോദ്യം ചെയ്തെങ്കിലും തോമസ് അടുത്ത ഘട്ടത്തിലേക്ക് മുന്നേറി മെഡൽ ഉറപ്പിച്ചു.