മസ്തിഷ്കമരണം സംഭവിച്ച കൊല്ലം കോർപ്പറേഷൻ കൗൺസിലറും വിദ്യാഭ്യാസ, കായിക സ്ഥിരംസമിതി അധ്യക്ഷനുമായ ബി. അജിത് കുമാറിന്റെ അവയവങ്ങൾ അഞ്ചുപേർക്ക് ദാനം ചെയ്യും. ജൂലൈ 19ന് പക്ഷാഘാതം സംഭവിച്ചതിനെ തുടർന്ന് ആശുപത്രിയിൽ ചികിത്സയിലായിരുന്ന അദ്ദേഹത്തിന് പിന്നീട് മസ്തിഷ്കമരണം സ്ഥിരീകരിക്കുകയായിരുന്നു. കുടുംബത്തിന്റെ സമ്മതത്തോടെയാണ് അവയവദാന നടപടികൾ ആരംഭിച്ചത്. അർഹരായ രോഗികളെ കണ്ടെത്തി വിവിധ ആശുപത്രികളിലായി അവയവമാറ്റ ശസ്ത്രക്രിയ നടത്താനുള്ള ഏകോപനം പുരോഗമിക്കുകയാണ്.