ഡൽഹിയിലെ വിദ്യാർഥി സമരത്തിന് പൊതുജനങ്ങളിൽനിന്ന് കൂടുതൽ പിന്തുണ ലഭിക്കുന്നതിനിടെ സമരനേതാക്കളുമായി ചർച്ച നടത്താൻ തയ്യാറാണെന്ന് കേന്ദ്രസർക്കാർ അറിയിച്ചു. കേന്ദ്രമന്ത്രി ജെ.പി. നദ്ദയുടെ വസതിയിൽ ചർച്ച നടത്താമെന്ന നിർദേശം സമരക്കാർ നിരസിച്ചു. മന്ത്രിയുടെ സ്വകാര്യ വസതിയിൽ കൂടിക്കാഴ്ച നടത്തുന്നത് പ്രക്ഷോഭത്തെ ദുർബലപ്പെടുത്താനുള്ള ശ്രമമാണെന്നാണ് സമരക്കാരുടെ ആരോപണം. ഔദ്യോഗിക വേദിയിൽ സുതാര്യമായ ചർച്ച വേണമെന്നും അവർ ആവശ്യപ്പെട്ടു.