കൊച്ചിയിലെ തിരക്കേറിയ ബൈപാസ് ഭാഗത്തിന് പരിഹാരമായി നിർദേശിച്ച ഇടപ്പള്ളി-അരൂർ എലിവേറ്റഡ് ഹൈവേ പദ്ധതി കേന്ദ്ര സർക്കാർ താൽക്കാലികമായി മരവിപ്പിച്ചതായി റിപ്പോർട്ട്. നിലവിൽ നിർമാണത്തിലോ നടപ്പാക്കൽ ഘട്ടത്തിലോ ഉള്ള ദേശീയപാത പദ്ധതികൾക്കാണ് മുൻഗണന നൽകുന്നത്. ഇതോടെ നിർദിഷ്ട ആകാശപാത ഉടൻ നിർമാണഘട്ടത്തിലേക്ക് കടക്കില്ല. ഭാവിയിൽ നയപരമായ മുൻഗണന, ധനലഭ്യത, പദ്ധതി ആസൂത്രണം എന്നിവ പരിഗണിച്ച് പദ്ധതി വീണ്ടും പരിശോധിക്കാനാകുമെന്നാണ് നിലവിലെ സ്ഥിതി.