കേരളതീരത്തിന് സമീപം ചരക്കുകപ്പലിന് തീപിടിച്ചപ്പോൾ കപ്പലിലുണ്ടായിരുന്ന പന്ത്രണ്ട് ചൈനീസ് നാവികരെ രക്ഷപ്പെടുത്തിയ ഇന്ത്യൻ സേനയുടെ പ്രവർത്തനത്തെ ചൈനീസ് പ്രതിരോധ ഉദ്യോഗസ്ഥൻ അഭിനന്ദിച്ചു. ഇന്ത്യയിലെ പുതിയ ചൈനീസ് ഡിഫൻസ് അറ്റാഷെ റിയർ അഡ്മിറൽ യു ജിയാനാണ് രക്ഷാപ്രവർത്തനത്തിന് നന്ദി അറിയിച്ചത്. അടിയന്തര സാഹചര്യത്തിൽ ഇന്ത്യൻ സേന വേഗത്തിൽ ഇടപെട്ടത് നാവികരുടെ ജീവൻ രക്ഷിക്കാൻ സഹായിച്ചെന്നും മാനുഷിക സഹകരണത്തിന്റെ മികച്ച ഉദാഹരണമാണിതെന്നും അദ്ദേഹം പറഞ്ഞു.