വടക്കുപടിഞ്ഞാറൻ ഡൽഹിയിലെ ഭാരത് നഗർ പാർക്കിൽ യുവതിയെ ലൈംഗികമായി ഉപദ്രവിക്കാൻ ശ്രമിച്ച സംഘത്തിൽനിന്ന് രക്ഷപ്പെടുത്താൻ ഇടപെട്ട 29കാരനെ കുത്തിക്കൊന്നു. ആക്രമണത്തിൽ യുവതിക്കും കുത്തേറ്റു; അവർ ഗുരുതരാവസ്ഥയിൽ ചികിത്സയിലാണ്. സംഭവത്തിൽ പൊലീസ് കേസെടുത്ത് പ്രതികളെ കണ്ടെത്താനുള്ള അന്വേഷണം ആരംഭിച്ചു. പ്രദേശത്തെ ദൃശ്യങ്ങളും സാക്ഷിമൊഴികളും പരിശോധിക്കുകയാണ്.