രാഹുൽ ഗാന്ധിയും കോൺഗ്രസും വിദ്യാർഥികളെ രാഷ്ട്രീയ ആയുധങ്ങളായി ഉപയോഗിക്കുകയാണെന്ന് കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ ആരോപിച്ചു. നീറ്റ് ചോദ്യപേപ്പർ ചോർച്ചയുമായി ബന്ധപ്പെട്ട് മന്ത്രിയുടെ രാജി ആവശ്യപ്പെട്ടുള്ള പ്രതിഷേധം ശക്തമായ സാഹചര്യത്തിലാണ് പ്രതികരണം. പരീക്ഷാ ക്രമക്കേടുകളെക്കുറിച്ച് സർക്കാർ അന്വേഷണം നടത്തുകയും പാർലമെന്റിൽ ചർച്ചയ്ക്ക് തയ്യാറാകുകയും ചെയ്തിട്ടുണ്ടെന്ന് അദ്ദേഹം പറഞ്ഞു. പ്രശ്നപരിഹാരത്തിന് സഹകരിക്കുന്നതിന് പകരം രാഷ്ട്രീയ നേട്ടത്തിനായി വിദ്യാർഥികളുടെ ആശങ്കകൾ ഉപയോഗിക്കുകയാണെന്നാണ് മന്ത്രിയുടെ ആരോപണം.