മുൻ സംസ്ഥാന സർക്കാരിന്റെ കാലത്ത് നടന്ന ഡയറ്റ് ലക്ചറർ നിയമനങ്ങളിൽ വ്യാപകമായ ക്രമക്കേടുകൾ നടന്നതായി പരാതി. കാലിക്കറ്റ് സർവകലാശാല കേന്ദ്രീകരിച്ച് ചില അധ്യാപകർക്ക് അനുകൂലമായി പിഎസ്‌സി പരീക്ഷയും നിയമനനടപടികളും അട്ടിമറിച്ചെന്നാണ് ആരോപണം. പരാതി പരിശോധിക്കുന്ന പ്രത്യേക അന്വേഷണസംഘം പരാതിക്കാരന്റെ മൊഴി രേഖപ്പെടുത്തി. നിയമനപ്പട്ടിക, പരീക്ഷാ രേഖകൾ, യോഗ്യതാ വിവരങ്ങൾ എന്നിവ പരിശോധിച്ചശേഷം ആരോപണത്തിൽ കഴമ്പുണ്ടോയെന്ന് സംഘം വിലയിരുത്തും. ബന്ധപ്പെട്ട ഉദ്യോഗസ്ഥരിൽനിന്നും വിശദീകരണം തേടാനാണ് സാധ്യത.