പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചശേഷം ഒളിവിൽ പോയെന്ന കേസിൽ പന്തളം സ്വദേശി സുകുമാരനെ കൊടുമൺ പൊലീസ് അറസ്റ്റ് ചെയ്തു. പ്രതിക്ക് 76 വയസ്സുണ്ട്. കുട്ടിയുടെ മൊഴിയുടെ അടിസ്ഥാനത്തിലാണ് പോക്സോ ഉൾപ്പെടെയുള്ള വകുപ്പുകൾ ചുമത്തി കേസ് രജിസ്റ്റർ ചെയ്തത്. പരാതി പുറത്തുവന്നതിന് പിന്നാലെ പ്രതി പ്രദേശത്തുനിന്ന് മാറിനിന്നതായാണ് പൊലീസ് പറയുന്നത്. അന്വേഷണസംഘം നടത്തിയ തിരച്ചിലിനൊടുവിലാണ് ഇയാളെ പിടികൂടിയത്. കേസിൽ തുടർനടപടികൾ പുരോഗമിക്കുന്നു.