വിമാനത്തിന്റെ എക്സിറ്റ് ഡോറുകൾക്ക് ചുറ്റുമുള്ള ഭാഗത്തെ പിന്തുണയ്ക്കുന്ന ‘ബെയർ സ്ട്രാപ്പ്’ ഘടകത്തിൽ വിള്ളൽ ഉണ്ടാകാമെന്ന ആശങ്കയെ തുടർന്ന് ഏകദേശം 471 ബോയിങ് 737 മാക്സ് വിമാനങ്ങൾക്ക് പരിശോധന നടത്താൻ യുഎസ് ഫെഡറൽ ഏവിയേഷൻ അഡ്മിനിസ്ട്രേഷൻ ഉത്തരവിട്ടു. മാക്സ് വിമാനങ്ങളിൽ ഇതുവരെ വിള്ളൽ കണ്ടെത്തിയിട്ടില്ലെങ്കിലും സമാന രൂപകൽപ്പനയുള്ള പഴയ 737 നെക്സ്റ്റ് ജനറേഷൻ മോഡലുകളിൽ പ്രശ്നം കണ്ടെത്തിയിരുന്നു. സെപ്റ്റംബറിൽ പരിശോധന ആരംഭിക്കും. 2019 മുതൽ എയർലൈനുകളുമായി വിഷയത്തിൽ പ്രവർത്തിക്കുന്നുണ്ടെന്നും FAA നിർദേശത്തെ പിന്തുണക്കുന്നതായും ബോയിങ് അറിയിച്ചു.