ഡൽഹിയിലെ വിദ്യാർഥി സമരത്തിന് ഭക്ഷണവിതരണ പ്ലാറ്റ്ഫോമുകളിലൂടെ പൊതുജനങ്ങളുടെ പിന്തുണ ലഭിച്ചു. ജന്തർ മന്തറിലെ സമരവേദിയുടെ ലൊക്കേഷൻ ഉപയോഗിച്ച് വിവിധ വ്യക്തികൾ ഓൺലൈനായി ഭക്ഷണം ഓർഡർ ചെയ്തതിനെ തുടർന്ന് നൂറുകണക്കിന് ഭക്ഷണപ്പൊതികൾ സമരക്കാർക്കായി എത്തിച്ചതായാണ് വിവരം. ദീർഘനേരം പ്രതിഷേധിക്കുന്ന വിദ്യാർഥികൾക്കും പ്രവർത്തകർക്കും വെള്ളവും ഭക്ഷണവും ലഭ്യമാക്കാൻ സന്നദ്ധപ്രവർത്തകരും രംഗത്തെത്തി. സാമൂഹികമാധ്യമങ്ങളിലൂടെയാണ് സഹായത്തിനുള്ള അഭ്യർഥന വ്യാപകമായി പ്രചരിച്ചത്.