ആഗോളതലത്തിൽ ടെക്നോളജി, എഐ ബന്ധമുള്ള ഓഹരികളിൽ വിൽപ്പന സമ്മർദം തുടരുന്നതിനിടയിലും ലണ്ടന്റെ FTSE 100 സൂചിക 10,951 പോയിന്റ് എന്ന ദിവസാന്തര റെക്കോർഡിലെത്തി. തുടർന്ന് 0.3 ശതമാനം ഉയർന്ന് 10,908ലാണ് ക്ലോസ് ചെയ്തത്. ധനകാര്യ, ഊർജ മേഖലകളിലെ വലിയ പങ്കും ശക്തമായ കോർപ്പറേറ്റ് ഫലങ്ങളും ഏഷ്യയിലും അമേരിക്കയിലും ചിപ്പ് ഓഹരികൾ നേരിട്ട ഇടിവിന്റെ ആഘാതം കുറച്ചു. സ്റ്റാൻഡേർഡ് ചാർട്ടേഡും റിയോ ടിന്റോയും ഓഹരിയുടമകൾക്കുള്ള വിതരണം വർധിപ്പിച്ചു.