സൗദി അറേബ്യയുടെ തെക്കൻ നജ്റാൻ മേഖലയെ ലക്ഷ്യമിട്ട ഹൂതി ആക്രമണങ്ങളിൽ നിരവധി സാധാരണക്കാർക്ക് പരിക്കേറ്റ സംഭവത്തെ ജിസിസി സെക്രട്ടറി ജനറൽ ജാസിം അൽ ബുദൈവീ ശക്തമായി അപലപിച്ചു. സാധാരണക്കാരെ ഉദ്ദേശപൂർവം ലക്ഷ്യമിടുന്നത് അന്താരാഷ്ട്ര നിയമത്തിന്റെയും മാനവിക നിയമത്തിന്റെയും ലംഘനമാണെന്നും മേഖലാ സുരക്ഷയ്ക്ക് ഭീഷണിയാണെന്നും അദ്ദേഹം പറഞ്ഞു. സൗദിയുടെ സുരക്ഷ ജിസിസി രാജ്യങ്ങളുടെ സുരക്ഷയുടെ ഭാഗമാണെന്നും രാജ്യത്തിന്റെ പരമാധികാരവും ജനങ്ങളെയും സംരക്ഷിക്കാൻ സ്വീകരിക്കുന്ന നടപടികൾക്ക് കൗൺസിൽ പിന്തുണ നൽകുമെന്നും വ്യക്തമാക്കി.