ആലപ്പുഴയിലെ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രിയുടെ ഗൺമാൻമാർ മർദിച്ചെന്ന കേസ് അട്ടിമറിച്ചെന്ന പരാതിയിൽ വിശദീകരണം നൽകാൻ എഡിജിപി എം.ആർ. അജിത് കുമാർ കൂടുതൽ സമയം ആവശ്യപ്പെട്ടു. അന്വേഷണ റിപ്പോർട്ട് സമർപ്പിച്ച സമയത്ത് താൻ വയനാട്ടിലായിരുന്നെന്നും കേസുമായി ബന്ധപ്പെട്ട ഉദ്യോഗസ്ഥരെ നേരിട്ട് കണ്ടിരുന്നില്ലെന്നും ഡിജിപിക്ക് നൽകിയ മറുപടിയിൽ അദ്ദേഹം വ്യക്തമാക്കി. ബന്ധപ്പെട്ട രേഖകളും ഉദ്യോഗസ്ഥരുടെ വിശദീകരണങ്ങളും പരിശോധിച്ചശേഷം സമഗ്രമായ മറുപടി നൽകാൻ സമയം അനുവദിക്കണമെന്നാണ് ആവശ്യം.