ഡെങ്കിപ്പനി റിപ്പോർട്ട് ചെയ്യുന്ന സാഹചര്യത്തിൽ വീടുകളിലും സ്ഥാപനങ്ങളിലുമുള്ള കൊതുകിന്റെ ഉറവിടനശീകരണം ശക്തമാക്കണമെന്ന് ആരോഗ്യവകുപ്പ് നിർദേശിച്ചു. പനി, തലവേദന, കണ്ണിന് പിന്നിലെ വേദന, പേശി-സന്ധിവേദന, ശരീരത്തിൽ ചുവന്ന പാടുകൾ എന്നിവ പ്രധാന ലക്ഷണങ്ങളാണ്. തുടർച്ചയായ ഛർദ്ദി, ശക്തമായ വയറുവേദന, രക്തസ്രാവം, ശ്വാസംമുട്ടൽ, രക്തസമ്മർദം താഴുക എന്നിവ അപകടസൂചനകളാകാം. ഇത്തരം ലക്ഷണങ്ങൾ കണ്ടാൽ സ്വയം ചികിത്സ ഒഴിവാക്കി ഉടൻ വൈദ്യസഹായം തേടണമെന്നും ആരോഗ്യവകുപ്പ് അറിയിച്ചു.