കൊച്ചി തീരത്തിന് സമീപം സിംഗപ്പൂർ ചരക്കുകപ്പൽ ഇടിച്ച് മത്സ്യബന്ധന ബോട്ട് തകർന്ന സംഭവത്തിലെ പൊലീസ് അന്വേഷണത്തിന് ഏർപ്പെടുത്തിയിരുന്ന സ്റ്റേ ഹൈക്കോടതി നീക്കി. അപകടവുമായി ബന്ധപ്പെട്ട് കോസ്റ്റൽ പൊലീസിന് അന്വേഷണം തുടരാമെന്ന് കോടതി വ്യക്തമാക്കി. കപ്പലിന്റെ സഞ്ചാരപാത, സുരക്ഷാനടപടികൾ, ബോട്ട് ജീവനക്കാരുടെ മൊഴികൾ, റഡാർ രേഖകൾ എന്നിവ പരിശോധിച്ച് അപകടത്തിന്റെ ഉത്തരവാദിത്വം കണ്ടെത്താനാണ് അന്വേഷണം. അന്വേഷണവുമായി ബന്ധപ്പെട്ട രേഖകൾ സംരക്ഷിക്കണമെന്നും എല്ലാ കക്ഷികളും സഹകരിക്കണമെന്നും കോടതി നിർദേശിച്ചു.