ഇന്ത്യയിലെ പ്രായപൂർത്തിയായവരിൽ 87.3 ശതമാനം ആളുകൾക്കും രക്തത്തിലെ കൊളസ്ട്രോളിന്റെയോ മറ്റ് കൊഴുപ്പുകളുടെയോ അളവിൽ അസാധാരണതയുണ്ടെന്ന് ഐസിഎംആർ പഠനം. എല്ലാ സംസ്ഥാനങ്ങളിൽനിന്നുമായി 23,665 പേർ പഠനത്തിൽ പങ്കെടുത്തു. ലക്ഷണങ്ങളില്ലാതെ ഹൃദ്രോഗം, ഹൃദയാഘാതം, പക്ഷാഘാതം എന്നിവയുടെ സാധ്യത വർധിപ്പിക്കുന്നതിനാൽ കൃത്യമായ ഇടവേളകളിൽ ലിപിഡ് പരിശോധന നടത്തണമെന്ന് ഗവേഷകർ നിർദേശിച്ചു.