സഹപ്രവർത്തകയായ വനിതാ ഐപിഎസ് ട്രെയിനിയുടെ പരാതിയിൽ കേസെടുത്ത ഐപിഎസ് ട്രെയിനി ഉദയ് കൃഷ്ണ റെഡ്ഡി ആത്മഹത്യയ്ക്ക് ശ്രമിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചു. പരാതിക്കാരിയുമായി പ്രണയബന്ധത്തിലായിരുന്നുവെന്നും തനിക്കെതിരായ ആരോപണങ്ങൾ വ്യാജമാണെന്നും അവകാശപ്പെടുന്ന കുറിപ്പ് കണ്ടെത്തിയതായാണ് വിവരം. ആരോഗ്യനില നിരീക്ഷണത്തിലാണ്. വനിതാ ട്രെയിനിയുടെ പരാതിയിലെ ആരോപണങ്ങളും കണ്ടെത്തിയ കുറിപ്പിലെ വിവരങ്ങളും ഡിജിറ്റൽ തെളിവുകളും പൊലീസ് പ്രത്യേകം പരിശോധിച്ചുവരികയാണ്.