ഇറാനും അമേരിക്കയും തമ്മിലുള്ള സൈനിക സംഘർഷം പതിനൊന്നാം ദിവസവും തുടരുന്നതായി റിപ്പോർട്ട്. ഇറാനിലെ ഭൂഗർഭ ആണവകേന്ദ്രങ്ങൾ ആക്രമിക്കുമെന്ന യുഎസ് മുന്നറിയിപ്പിനെ തുടർന്ന് സമാധാനചർച്ചകൾ കൂടുതൽ പ്രതിസന്ധിയിലായി. നയതന്ത്രപരമായ പരിഹാരത്തിന് തങ്ങൾ തയ്യാറാണെന്നും ഇറാനാണ് സഹകരിക്കാത്തതെന്നും അമേരിക്ക ആരോപിച്ചു. യുഎസ് ഭീഷണിയും സൈനിക സമ്മർദവും നിലനിൽക്കുന്ന സാഹചര്യത്തിൽ ചർച്ചകൾക്ക് അനുകൂല അന്തരീക്ഷമില്ലെന്നാണ് ഇറാന്റെ നിലപാട്. മേഖലയിൽ കൂടുതൽ ആക്രമണങ്ങൾ ഉണ്ടാകുമെന്ന ആശങ്ക തുടരുന്നു.