അധീന വെസ്റ്റ് ബാങ്കിൽ 2025ൽ പാലസ്തീൻ പ്രവർത്തകൻ ഔദ ഹതാലീൻ കൊല്ലപ്പെട്ട കേസിൽ ഇസ്രയേലി കുടിയേറ്റക്കാരനായ യിനോൻ ലെവിക്കെതിരെ പ്രോസിക്യൂഷൻ കുറ്റം ചുമത്തി. 33കാരനായ ലെവിക്കെതിരെ അശ്രദ്ധമൂലമുള്ള നരഹത്യ, ആയുധവുമായി അനധികൃത പ്രവേശനം, സ്വത്ത് നശിപ്പിക്കൽ തുടങ്ങിയ കുറ്റങ്ങളാണ് ചുമത്തിയത്. ഓസ്കർ നേടിയ ‘നോ അദർ ലാൻഡ്’ ഡോക്യുമെന്ററിയുമായി ഹതാലീൻ ബന്ധപ്പെട്ടിരുന്നു. തെറ്റ് ചെയ്തിട്ടില്ലെന്നാണ് ലെവിയുടെ നിലപാട്. വെസ്റ്റ് ബാങ്കിലെ ഏറ്റുമുട്ടലിനിടെയുണ്ടായ വെടിവെപ്പിനെ തുടർന്നാണ് കേസ്.