കാഫിർ സ്ക്രീൻഷോട്ട് കേസിൽ ഡിവൈഎഫ്ഐ നേതാവ് റിബേഷ് രാമകൃഷ്ണനോട് ചോദ്യം ചെയ്യലിന് ഹാജരാകാൻ പ്രത്യേക അന്വേഷണസംഘം നോട്ടീസ് നൽകി. നിശ്ചയിച്ച തീയതിയിലും സമയത്തും അന്വേഷണ ഉദ്യോഗസ്ഥർക്കു മുന്നിൽ ഹാജരായി മൊഴി നൽകണമെന്നാണ് നിർദേശം. വിവാദ സ്ക്രീൻഷോട്ട് തയ്യാറാക്കിയതും സാമൂഹികമാധ്യമങ്ങളിൽ പ്രചരിപ്പിച്ചതുമായി ബന്ധപ്പെട്ട ഡിജിറ്റൽ തെളിവുകളാണ് സംഘം പരിശോധിക്കുന്നത്. ഫോൺ രേഖകളും സന്ദേശങ്ങളും സാമൂഹികമാധ്യമ അക്കൗണ്ടുകളുടെ വിവരങ്ങളും അന്വേഷണത്തിന്റെ ഭാഗമായി ശേഖരിച്ചിട്ടുണ്ട്.