ഡൽഹിയിൽ കോൺഗ്രസ് നേതാക്കളെ പൊലീസ് കസ്റ്റഡിയിലെടുത്തതിൽ പ്രതിഷേധിച്ച് കേരളത്തിൽ കോൺഗ്രസും യൂത്ത് കോൺഗ്രസും സംസ്ഥാനവ്യാപക പ്രകടനങ്ങൾ നടത്തി. പ്രവർത്തകർ ലോക്ഭവനിലേക്ക് മാർച്ച് നടത്തുകയും വിവിധ ജില്ലാ കേന്ദ്രങ്ങളിൽ പ്രതിഷേധയോഗങ്ങൾ സംഘടിപ്പിക്കുകയും ചെയ്തു. തിരുവനന്തപുരം, കൊച്ചി, കോഴിക്കോട്, തൃശൂർ, കണ്ണൂർ ഉൾപ്പെടെയുള്ള സ്ഥലങ്ങളിൽ പ്രകടനങ്ങൾ നടന്നു. കേന്ദ്രസർക്കാരിന്റെയും ഡൽഹി പൊലീസിന്റെയും നടപടി ജനാധിപത്യവിരുദ്ധമാണെന്ന് നേതാക്കൾ ആരോപിച്ചു.