സുരക്ഷിതമായ വാഹന രൂപമാറ്റങ്ങൾക്ക് നിലവിലുള്ള നിയന്ത്രണങ്ങളിൽ ഇളവ് നൽകുന്നതിനെക്കുറിച്ച് കേരള മോട്ടോർ വാഹനവകുപ്പ് പൊതുജന സർവേ ആരംഭിച്ചു. വാഹനത്തിന്റെ സുരക്ഷയെ ബാധിക്കാത്ത സൗന്ദര്യപരവും പ്രവർത്തനക്ഷമത വർധിപ്പിക്കുന്നതുമായ മാറ്റങ്ങൾ അനുവദിക്കുമെന്ന സർക്കാർ പ്രഖ്യാപനത്തിന്റെ തുടർച്ചയായാണ് നടപടി. ലഭിക്കുന്ന അഭിപ്രായങ്ങൾ പരിഗണിച്ചശേഷം ചട്ടഭേദഗതികൾ തീരുമാനിക്കും.