സംസ്ഥാനത്തെ വൈദ്യുതി ഉപയോഗം കഴിഞ്ഞ വർഷത്തേക്കാൾ ഏകദേശം ആയിരം മെഗാവാട്ട് വർധിച്ചതായി മുഖ്യമന്ത്രി വി.ഡി. സതീശൻ പറഞ്ഞു. മഴ കുറഞ്ഞതോടെ ജലസംഭരണികളിലെ ജലനിരപ്പ് താഴ്ന്നതും ആഭ്യന്തര വൈദ്യുതി ഉൽപ്പാദനം ആവശ്യത്തിന് വർധിപ്പിക്കാനാകാത്തതുമാണ് പ്രതിസന്ധിക്ക് കാരണമായതെന്ന് അദ്ദേഹം വിശദീകരിച്ചു. മുൻ സർക്കാർ ദീർഘകാല വൈദ്യുതി കരാറുകൾ റദ്ദാക്കിയതിനെ തുടർന്ന് ഉയർന്ന നിരക്കിൽ വൈദ്യുതി വാങ്ങേണ്ടിവന്നതും നിലവിലെ സാഹചര്യം രൂക്ഷമാക്കിയെന്നാണ് മുഖ്യമന്ത്രിയുടെ ആരോപണം.