ചൈനീസ് എഐ സ്റ്റാർട്ടപ്പായ മൂൺഷോട്ട് അവതരിപ്പിച്ച കിമി കെ3 മോഡലിന് പ്രതീക്ഷിച്ചതിലും കൂടുതൽ ഉപയോക്താക്കൾ എത്തിയതോടെ പുതിയ പെയ്ഡ് സബ്‌സ്‌ക്രിപ്ഷനുകൾ താൽക്കാലികമായി നിർത്തിവച്ചു. കംപ്യൂട്ടിങ് ശേഷിക്ക് മുകളിലായ ഉപയോഗമാണ് തീരുമാനത്തിന് കാരണം. വെബ്-ആപ്പ് സേവനത്തിനും കോഡിങ് ജോലികൾക്കുമായി സബ്‌സ്‌ക്രിപ്ഷൻ രണ്ട് പദ്ധതികളായി വിഭജിക്കാനും കമ്പനി തീരുമാനിച്ചു.