വനിതാ യാത്രക്കാരുടെ രാത്രികാല സുരക്ഷയും യാത്രാസൗകര്യവും മെച്ചപ്പെടുത്തുന്നതിനായി കെഎസ്ആർടിസി പരീക്ഷണാടിസ്ഥാനത്തിൽ പിങ്ക് ബസ് സർവീസ് ആരംഭിക്കുന്നു. തിരുവനന്തപുരം ടെക്നോപാർക്ക് മേഖലയെ കേന്ദ്രീകരിച്ചാണ് വനിതകൾക്കു മാത്രമായുള്ള രാത്രികാല സർവീസ് നടത്തുന്നത്. സംസ്ഥാന സർക്കാരിന്റെ നൂറുദിന പരിപാടിയുടെ ഭാഗമായി ഗതാഗതമന്ത്രി സി.പി. ജോൺ പദ്ധതി ഉദ്ഘാടനം ചെയ്യും. യാത്രക്കാരുടെ പ്രതികരണവും ഉപയോഗനിരക്കും വിലയിരുത്തിയശേഷം പദ്ധതി മറ്റ് റൂട്ടുകളിലേക്കും വ്യാപിപ്പിക്കുന്ന കാര്യം പരിഗണിക്കും.