ആലപ്പുഴ മണ്ണഞ്ചേരിയിലെ മോഷണക്കേസിൽ കുറുവ സംഘത്തിലെ രണ്ടാംപ്രതിയായ കാട്ടുപൂച്ചനെ മതിയായ തെളിവുകളുടെ അഭാവത്തിൽ കോടതി വെറുതെ വിട്ടു. കേസിലെ മുഖ്യപ്രതി സന്തോഷ് സെൽവം കുറ്റക്കാരനാണെന്ന് കോടതി കണ്ടെത്തി. 2024ൽ പ്രദേശത്ത് നടന്ന മോഷണപരമ്പരയുമായി ബന്ധപ്പെട്ടാണ് ഇരുവരെയും പ്രതിചേർത്തത്. രണ്ടാംപ്രതിക്കെതിരായ സാക്ഷിമൊഴികളും മറ്റ് തെളിവുകളും കുറ്റം സംശയാതീതമായി തെളിയിക്കാൻ പര്യാപ്തമല്ലെന്ന് കോടതി വിലയിരുത്തി. മുഖ്യപ്രതിക്കുള്ള ശിക്ഷ പിന്നീട് പ്രഖ്യാപിക്കും.