ഡൽഹി പൊലീസ് കസ്റ്റഡിയിലെടുത്ത പ്രതിഷേധക്കാരെ കാണാൻ അഭിഭാഷകരെ അനുവദിക്കുന്നില്ലെന്നും കസ്റ്റഡിയിലുള്ളവരുടെ പട്ടിക പുറത്തുവിടണമെന്നും സമരസംഘടനയുടെ വക്താവ് സൗരവ് ദാസ് ആവശ്യപ്പെട്ടു. അറസ്റ്റിലായവരുടെ സുരക്ഷയും നിയമസഹായവും ഉറപ്പാക്കേണ്ടത് പൊലീസിന്റെ ഉത്തരവാദിത്വമാണെന്ന് അദ്ദേഹം പറഞ്ഞു. പൊലീസ് ആവശ്യങ്ങൾ അംഗീകരിക്കാത്തപക്ഷം പൊലീസ് ആസ്ഥാനത്തിന് മുന്നിൽ സമാധാനപരമായി ധർണ നടത്തുമെന്നും സംഘടന അറിയിച്ചു. കസ്റ്റഡിയുടെ നിയമപരമായ വിവരങ്ങൾ കുടുംബങ്ങളെ അറിയിക്കണമെന്നും ആവശ്യപ്പെട്ടു.