തമിഴ്നാട് സ്വദേശിയായ അതിഥിത്തൊഴിലാളി പഴനിവേലിനെ വെട്ടിക്കൊലപ്പെടുത്തിയ കേസിൽ പ്രതി ഉണ്ണികൃഷ്ണന് ആലപ്പുഴ അഡീഷണൽ ജില്ലാ സെഷൻസ് കോടതി ജീവപര്യന്തം തടവും പിഴയും വിധിച്ചു. ചേർത്തല തുറവൂർ സ്വദേശിയായ പ്രതി തെങ്ങുകയറ്റ തൊഴിലാളിയാണ്. കേസിലെ സാക്ഷിമൊഴികളും ശാസ്ത്രീയ തെളിവുകളും പരിശോധിച്ച ശേഷമാണ് കോടതി കുറ്റക്കാരനെന്ന് കണ്ടെത്തിയത്. വിധിച്ച പിഴ അടച്ചില്ലെങ്കിൽ അധിക തടവ് അനുഭവിക്കണമെന്നും കോടതി നിർദേശിച്ചതായാണ് വിവരം.