ദിവസവും ഒൻപത് മണിക്കൂറിലധികം ഉറങ്ങുന്നത് അൽഷൈമേഴ്സ് രോഗസാധ്യതയുമായി ബന്ധപ്പെട്ട ചില ജൈവസൂചനകൾ വർധിപ്പിക്കാമെന്ന് പഠനം. ശരാശരി എഴുപത് വയസ്സുള്ള 2,410 പേരുടെ വിവരങ്ങളാണ് ഗവേഷകർ പരിശോധിച്ചത്. ദീർഘനേരം ഉറങ്ങിയവരിൽ അൽഷൈമേഴ്സുമായി ബന്ധപ്പെടുത്തിയ പ്രോട്ടീനിന്റെ അളവ് കൂടുതലായി കണ്ടെത്തിയെന്നാണ് റിപ്പോർട്ട്. ഇത് നേരിട്ടുള്ള കാരണബന്ധം തെളിയിക്കുന്നില്ലെന്നും കൂടുതൽ പഠനം ആവശ്യമാണെന്നും ഗവേഷകർ വ്യക്തമാക്കി.