നാടകകലാകാരനെക്കുറിച്ചുള്ള വിവാദലേഖനം വാരാന്തപ്പതിപ്പിൽ പ്രസിദ്ധീകരിച്ചിരുന്നില്ലെന്ന് എം. സ്വരാജ് പറഞ്ഞു. ലേഖനം ഒഴിവാക്കിയതുമായി ബന്ധപ്പെട്ട് വാരാന്തപ്പതിപ്പ് എഡിറ്റർക്കെതിരെ നടപടി സ്വീകരിച്ചിട്ടില്ലെന്നും ഇക്കാര്യത്തിൽ തെറ്റായ പ്രചാരണമാണ് നടക്കുന്നതെന്നും അദ്ദേഹം വ്യക്തമാക്കി. ഏത് ലേഖനം പ്രസിദ്ധീകരിക്കണമെന്നത് പത്രത്തിന്റെ എഡിറ്റോറിയൽ അധികാരപരിധിയിൽപ്പെടുന്ന കാര്യമാണെന്നും എല്ലാ എഴുത്തുകളും പ്രസിദ്ധീകരിക്കണമെന്ന നിർബന്ധമില്ലെന്നും സ്വരാജ് പറഞ്ഞു. വിവാദത്തിൽ പ്രചരിക്കുന്ന ആരോപണങ്ങൾ വസ്തുതാവിരുദ്ധമാണെന്നും അദ്ദേഹം അവകാശപ്പെട്ടു.