വിനോദയാത്രയ്ക്കായി തായ്‌ലൻഡിലെ ബാങ്കോക്കിലെത്തിയ മലയാളിയെ ഹോട്ടൽമുറിയിൽ മരിച്ച നിലയിൽ കണ്ടെത്തി. ആലപ്പുഴ തലവടി സ്വദേശി പ്രജിത് പുഷ്പാംഗദനാണ് മരിച്ചത്. ഹോട്ടൽ ജീവനക്കാർ മുറിയിൽ പ്രതികരണമില്ലാതെ കിടക്കുന്നതായി കണ്ടെത്തിയതിനെ തുടർന്ന് പ്രാദേശിക പൊലീസിനെ വിവരം അറിയിച്ചതായാണ് റിപ്പോർട്ട്. മരണകാരണം സംബന്ധിച്ച ഔദ്യോഗിക സ്ഥിരീകരണം ലഭ്യമായിട്ടില്ല. മൃതദേഹം നാട്ടിലെത്തിക്കുന്നതിനുള്ള നടപടികൾ ഇന്ത്യൻ അധികൃതരും ബന്ധുക്കളും ഏകോപിപ്പിക്കുകയാണ്.