സ്പെയിൻ മിഡ്ഫീൽഡർ റോഡ്രിക്കായി ബാഴ്സലോണ നൽകിയ ആദ്യ ഓഫർ മാഞ്ചസ്റ്റർ സിറ്റി തള്ളി. ഏകദേശം 38.5 മില്യൺ പൗണ്ട്, അല്ലെങ്കിൽ 45 മില്യൺ യൂറോയും അഡ്ഓണുകളും ഉൾപ്പെട്ടതായിരുന്നു ഓഫറെന്നാണ് റിപ്പോർട്ട്. റോഡ്രിയെ വിടേണ്ടിവന്നാൽ അതിനേക്കാൾ വളരെ ഉയർന്ന തുകയാണ് സിറ്റി ആവശ്യപ്പെടുന്നത്. അതേസമയം മൊറോക്കൻ മിഡ്ഫീൽഡർ അയ്യൂബ് ബുവാദിയെ സ്വന്തമാക്കാനുള്ള ചർച്ചകളും സിറ്റി മുന്നോട്ടുകൊണ്ടുപോകുന്നു. മെച്ചപ്പെടുത്തിയ ഓഫറുമായി ബാഴ്സ വീണ്ടും സമീപിച്ചേക്കുമെന്നാണ് സൂചന.