കുട്ടികൾക്കായി വ്യക്തിഗത ഉറക്കസമയ കഥകൾ സൃഷ്ടിക്കാൻ മാതാപിതാക്കളെ സഹായിക്കുന്ന ‘സ്റ്റോറികിറ്റ്’ എന്ന നിർമിതബുദ്ധി ആപ്പ് മെറ്റ പരീക്ഷിക്കുന്നു. കഥയിലെ കഥാപാത്രങ്ങൾ, പശ്ചാത്തലം, സാഹസികത, ഗുണപാഠം തുടങ്ങിയ ഘടകങ്ങൾ മാതാപിതാക്കൾക്ക് തിരഞ്ഞെടുക്കാം. തിരഞ്ഞെടുത്ത വിവരങ്ങളെ അടിസ്ഥാനമാക്കി കുട്ടിയുടെ പ്രായത്തിന് അനുയോജ്യമായ കഥ ആപ്പ് തയ്യാറാക്കും. പശ്ചാത്തല സംഗീതം, വായനാസൗകര്യം, കുട്ടികൾക്ക് അനുയോജ്യമല്ലാത്ത ഉള്ളടക്കം തടയുന്ന സുരക്ഷാ ഫിൽട്ടറുകൾ എന്നിവയും ഉൾപ്പെടുത്തിയിട്ടുണ്ട്.