യുദ്ധത്തിനിടെ കുടിയൊഴിപ്പിക്കപ്പെട്ട സ്ത്രീകൾക്ക് മാനസികാഘാതം തുറന്ന് പറയാനും മനശ്ശാസ്ത്ര സഹായം നേടാനും പ്രായോഗിക ഉപദേശങ്ങൾ പങ്കിടാനും ഗസ്സയിൽ സ്ത്രീകൾക്കായി മാത്രം സുരക്ഷിത ഇടം ഒരുക്കിയിട്ടുണ്ട്. ഭർത്താക്കളെ നഷ്ടപ്പെട്ടവർ, അമ്മമാർ, കുടുംബനാഥകളായ സ്ത്രീകൾ എന്നിവർക്കായി ഗ്രൂപ്പ് ചർച്ചകളും മാർഗനിർദേശ സെഷനുകളും നടത്തുന്നു. വീടുകളും ജീവിതോപാധികളും ബന്ധുക്കളും നഷ്ടപ്പെട്ട ഗസ്സയിലെ സ്ത്രീകൾ വഹിക്കുന്ന വർധിച്ച ഭാരമാണ് പദ്ധതി പ്രതിഫലിപ്പിക്കുന്നത്. കൂടുതൽ അഭയകേന്ദ്രങ്ങളിലേക്ക് സേവനം വ്യാപിപ്പിക്കാനാണ് സംഘാടകരുടെ ലക്ഷ്യം.