കനത്ത മഴ തുടരുന്നതിനാൽ കാസർകോട്, കണ്ണൂർ, കോഴിക്കോട്, വയനാട്, മലപ്പുറം, തൃശ്ശൂർ, എറണാകുളം, പത്തനംതിട്ട, കോട്ടയം ജില്ലകളിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും മതപഠന-ട്യൂഷൻ കേന്ദ്രങ്ങൾക്കും ജില്ലാ കലക്ടർമാർ അവധി പ്രഖ്യാപിച്ചു. റസിഡൻഷ്യൽ സ്കൂളുകൾക്ക് അവധി ബാധകമല്ലെങ്കിലും സുരക്ഷ ഉറപ്പാക്കണം. സെറ്റ്, ഹയർ സെക്കൻഡറി തുല്യത, സർവകലാശാല-റിക്രൂട്ട്മെന്റ് പരീക്ഷകളിൽ ചിലത് മാറ്റിവെച്ചു. പുതുക്കിയ തീയതികൾ ബന്ധപ്പെട്ട സ്ഥാപനങ്ങൾ അറിയിക്കും.