സമുദ്രവാഹനങ്ങളും ജെറ്റ് സ്കികളും സംബന്ധിച്ച ലൈസൻസ്, ഭരണസേവന ഫീസുകൾ പുതുക്കി കുവൈത്ത് 2026ലെ 1089-ാം നമ്പർ തീരുമാനം പുറത്തിറക്കി. എല്ലാ വലുപ്പത്തിലുള്ള വാഹനങ്ങൾക്കും ആദ്യ ലൈസൻസ് ഫീസ് അഞ്ച് ദിനാറാണ്. നഷ്ടപ്പെട്ടതോ കേടായതോ ആയ ലൈസൻസ് മാറ്റുന്നതിനുള്ള നിരക്ക് വലുപ്പമനുസരിച്ച് 15 മുതൽ 25 ദിനാർ വരെയും രജിസ്റ്റർ ചെയ്ത പ്രവർത്തനം മാറ്റുന്നതിനുള്ള ഫീസ് 50, 60, 70 ദിനാർ എന്നിങ്ങനെയുമാണ്. പ്രസിദ്ധീകരിച്ച തീയതി മുതൽ തീരുമാനം പ്രാബല്യത്തിൽ വരുമെന്ന് അറബ് ടൈംസ് റിപ്പോർട്ട് ചെയ്തു.