തകരാറിലായ ശേഷം റോഡിൽ ഉപേക്ഷിക്കുന്ന വാഹനങ്ങൾ അനാഥവാഹനമായി കണക്കാക്കി പിടിച്ചെടുക്കാമെന്ന് കുവൈത്ത് ട്രാഫിക് വകുപ്പ് മുന്നറിയിപ്പ് നൽകി. വാഹനം സുരക്ഷിതമായി കഴിയുന്നത്ര വലതുവശത്തേക്ക് മാറ്റി ഹസാർഡ് ലൈറ്റുകൾ പ്രവർത്തിപ്പിക്കാനും മുന്നറിയിപ്പ് ത്രികോണം സ്ഥാപിക്കാനും ഉടൻ ടോവിംഗ് ക്രമീകരിക്കാനും ലെഫ്റ്റനന്റ് കേണൽ അബ്ദുല്ല ബു ഹസൻ നിർദേശിച്ചു. തിരക്കേറിയ റോഡുകളിലും വഴിതിരിച്ചുവിടൽ മേഖലകളിലും അപകടവും ഗതാഗതതടസ്സവും കുറയ്ക്കുകയാണ് നിർദേശങ്ങളുടെ ലക്ഷ്യമെന്ന് ഇന്ത്യൻസ് ഇൻ കുവൈത്ത് റിപ്പോർട്ട് ചെയ്തു.