പബ്ലിക് എക്സാമിനേഷൻസ് (പ്രിവൻഷൻ ഓഫ് അൺഫെയർ മീൻസ്) ഭേദഗതി ബിൽ 2026ന് രാഷ്ട്രപതി ദ്രൗപദി മുർമു അംഗീകാരം നൽകി. ചോദ്യപേപ്പർ ചോർച്ചയോ പരീക്ഷാക്രമക്കേടോ നടത്തുന്ന വ്യക്തികൾക്ക് അഞ്ച് മുതൽ പത്ത് വർഷംവരെ തടവും 50 ലക്ഷം രൂപവരെ പിഴയും പുതിയ നിയമം നിശ്ചയിക്കുന്നു. സംഘടിത കുറ്റങ്ങൾക്ക് കുറഞ്ഞത് ഏഴ് വർഷം തടവും 10 കോടി രൂപവരെ പിഴയും ലഭിക്കാം. ചോദ്യപേപ്പർ ചോർത്തൽ, OMR ഷീറ്റ് തിരുത്തൽ, വ്യാജ വെബ്സൈറ്റ്-അഡ്മിറ്റ് കാർഡ് നിർമ്മാണം ഉൾപ്പെടെ 15 നിരോധിത പ്രവർത്തനങ്ങൾ നിയമത്തിൽ പറയുന്നു.