റിയാദ്: ഓഗസ്റ്റ് മാസത്തിൽ രാത്രി മാനത്ത് അരങ്ങേറുന്ന അപൂർവ്വ ആകാശവിസ്മയങ്ങൾക്കും നക്ഷത്രക്കാഴ്ചകൾക്കും സാക്ഷ്യം വഹിക്കാൻ സൗദി അറേബ്യയിലെ പ്രമുഖ നക്ഷത്രനിരീക്ഷണ കേന്ദ്രങ്ങളും വിനോദസഞ്ചാര കേന്ദ്രങ്ങളും സജ്ജമാകുന്നു. പെഴ്സീഡ്സ് ഉൽക്കാവർഷം (Perseid Meteor Shower), ഭാഗിക ചന്ദ്രഗ്രഹണം, പ്രമുഖ ഗ്രഹങ്ങളുടെ ദൃശ്യത തുടങ്ങി നിരവധി ഖഗോള പ്രതിഭാസങ്ങളാണ് ഈ മാസം മാനത്ത് ദൃശ്യമാകുകയെന്ന് ജിദ്ദ അസ്ട്രോണമി സൊസൈറ്റി (Jeddah Astronomy Society) വ്യക്തമാക്കുന്നു.