ന്യൂഡൽഹി: നീറ്റ് ചോദ്യപ്പേപ്പർ ചോർച്ചക്കെതിരെ സമരം ചെയ്യുന്ന വിദ്യാർഥികളെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി പങ്കുവച്ച സെൽഫി വിഡിയോയ്ക്ക് പിന്നാലെ 24 മണിക്കൂറിനകം അദ്ദേഹത്തിന്റെ ഇൻസ്റ്റഗ്രാം അക്കൗണ്ടിൽ പത്ത് ലക്ഷം ഫോളോവേഴ്‌സ് കൂടി. വ്യാഴാഴ്ച രാത്രി 11.52ന് പ്രസിദ്ധീകരിച്ച വിഡിയോയിൽ പരീക്ഷാ ക്രമക്കേടുകൾക്കെതിരെ സർക്കാർ സ്വീകരിച്ച നടപടികളും വിദ്യാർഥികളുടെ പഠനവർഷം നഷ്ടമാകാതിരിക്കാനുള്ള ശ്രമങ്ങളും അദ്ദേഹം വിശദീകരിച്ചു. പിന്നാലെ ലഭിച്ച പ്രതികരണങ്ങൾക്കും നിർദേശങ്ങൾക്കും നന്ദി അറിയിച്ച് മോദി മറ്റൊരു ലഘുവിഡിയോയും പങ്കുവച്ചു. അക്കൗണ്ടിലെ ഫോളോവേഴ്‌സ് 102 ദശലക്ഷമായി.