ഗൂഡല്ലൂർ മേഖലയിലെ സംരക്ഷിത റിസർവ് വനത്തിനുള്ളിലേക്ക് പ്രവേശനം അനുവദിക്കില്ലെങ്കിലും വനപരിധിക്ക് പുറത്തുള്ള സൂജിമല, പന്തലൂർ മലനിരകൾ, ചന്ദനമല തുടങ്ങിയ ഭാഗങ്ങളിൽ പൂത്ത നീലക്കുറിഞ്ഞി കാണാനും ചിത്രമെടുക്കാനും സന്ദർശകർക്ക് അനുമതിയുണ്ടെന്ന് റിപ്പോർട്ട്. സന്ദർശകരുടെ വലിയ തിരക്കും വന്യജീവി സുരക്ഷയും ആവാസവ്യവസ്ഥയ്ക്ക് ഉണ്ടാകാവുന്ന നാശവും പരിഗണിച്ചാണ് നിയന്ത്രണം. അപൂർവ പൂക്കൾ പറിക്കരുത്, ചവിട്ടി നശിപ്പിക്കരുത്, നിയന്ത്രിത പ്രദേശങ്ങളിലേക്ക് കടക്കരുത് എന്ന നിർദേശം പാലിക്കണമെന്ന് അധികൃതർ അറിയിച്ചു.