നീറ്റ് യുജി പുനഃപരീക്ഷയിൽ രണ്ടാം റാങ്ക് നേടിയ പൻഷുൽ ബൻസാൽ പരീക്ഷാചോദ്യപേപ്പർ ചോർച്ചയുമായി ബന്ധപ്പെട്ട് നടക്കുന്ന പ്രതിഷേധങ്ങൾക്ക് പ്രസക്തിയില്ലെന്ന് അഭിപ്രായപ്പെട്ടു. താൻ വീട്ടിലിരുന്ന് പഠനത്തിൽ ശ്രദ്ധ കേന്ദ്രീകരിക്കുകയാണെന്നും പ്രതിഷേധപരിപാടികളിൽ പങ്കെടുക്കുന്നില്ലെന്നും അദ്ദേഹം ഒരു മാധ്യമ അഭിമുഖത്തിൽ പറഞ്ഞു. ക്രമക്കേടുകളിൽ അന്വേഷണം നടക്കട്ടെയെന്നും പരീക്ഷയ്ക്ക് തയ്യാറെടുക്കുന്ന വിദ്യാർഥികളുടെ പഠനം തടസ്സപ്പെടരുതെന്നുമാണ് അദ്ദേഹത്തിന്റെ നിലപാട്. പരാമർശത്തെ അനുകൂലിച്ചും വിമർശിച്ചും സാമൂഹികമാധ്യമങ്ങളിൽ പ്രതികരണങ്ങൾ ഉയർന്നു.