നിപ വൈറസ് ബാധയെ തുടർന്ന് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്ന രോഗിയെ ആരോഗ്യനില മെച്ചപ്പെട്ടതിനെ തുടർന്ന് ഡിസ്ചാർജ് ചെയ്തു. രോഗിക്ക് തീവ്രചികിത്സ നൽകിയതിനൊപ്പം ആരോഗ്യവകുപ്പ് സമ്പർക്കപ്പട്ടിക തയ്യാറാക്കി പരിശോധനയും നിരീക്ഷണവും നടത്തിയിരുന്നു. രോഗബാധ റിപ്പോർട്ട് ചെയ്ത മേഖലയിലെ പൊതുജനാരോഗ്യ മുൻകരുതലുകളും സമ്പർക്കത്തിലുള്ളവരുടെ നിരീക്ഷണവും അധികൃതർ തുടർന്നു. ചികിത്സിച്ച മെഡിക്കൽ സംഘത്തിന്റെ ക്ലിനിക്കൽ വിലയിരുത്തലിന് ശേഷമാണ് രോഗിയെ ആശുപത്രിയിൽനിന്ന് വിട്ടയച്ചത്.