നീറ്റ് ഉൾപ്പെടെയുള്ള പരീക്ഷാക്രമക്കേടുകളും വിദ്യാർഥി പ്രതിഷേധത്തിനെതിരായ പൊലീസ് നടപടിയും ഉന്നയിച്ച് പ്രതിപക്ഷ നേതാക്കൾ പ്രധാനമന്ത്രി നരേന്ദ്ര മോദിയുടെ വസതിയിലേക്ക് മാർച്ച് നടത്തി. രാഹുൽ ഗാന്ധി, പ്രിയങ്ക ഗാന്ധി, മല്ലികാർജുൻ ഖർഗെ, അഖിലേഷ് യാദവ് തുടങ്ങിയവർ പ്രതിഷേധത്തിന് നേതൃത്വം നൽകി. പൊലീസ് നേതാക്കളെ നീക്കി കസ്റ്റഡിയിലെടുത്തു. നടപടിക്കിടെ രാഹുൽ ഗാന്ധിക്ക് പരിക്കേറ്റതായും പ്രിയങ്ക ഗാന്ധിയുടെ വസ്ത്രം വലിച്ചുകീറിയതായും കോൺഗ്രസ് ആരോപിച്ചു.