വഖഫ് ബോർഡിൽ അമുസ്‌ലിം അംഗങ്ങളെ ഉൾപ്പെടുത്തി പുനഃസംഘടിപ്പിക്കാൻ മുൻ സർക്കാർ തീരുമാനിച്ചിരുന്നെന്ന മുഖ്യമന്ത്രി വി.ഡി. സതീശന്റെ വാദം തെറ്റാണെന്ന് സിപിഎം നേതാവ് പി. രാജീവ് പറഞ്ഞു. ബോർഡിലെ നിലവിലെ ഒഴിവുകൾ സുപ്രീം കോടതിയുടെ പരിഗണനയിലുള്ള വിഷയവുമായി ബന്ധപ്പെട്ടതിനാലാണ് നികത്താതിരുന്നതെന്നും അവ അമുസ്‌ലിം അംഗങ്ങൾക്കായി മാറ്റിവച്ചതല്ലെന്നും അദ്ദേഹം വ്യക്തമാക്കി. വസ്തുതകൾ പരിശോധിക്കാതെയാണ് മുഖ്യമന്ത്രി രാഷ്ട്രീയപ്രസ്താവന നടത്തിയതെന്നും രാജീവ് ആരോപിച്ചു.