അമേരിക്കയോട് 10 ബില്യൺ ഡോളറിന്റെ അടിയന്തര സാമ്പത്തിക സഹായം പാകിസ്ഥാൻ ആവശ്യപ്പെട്ടതായി റിപ്പോർട്ട്. അഞ്ച് വർഷത്തെ കാലാവധിയുള്ള ഉഭയകക്ഷി ധനസഹായ പദ്ധതിയാണ് ഇസ്‌ലാമാബാദ് നിർദേശിച്ചിരിക്കുന്നത്. വിദേശനാണ്യ ലഭ്യത മെച്ചപ്പെടുത്തുക, കടബാധ്യത കൈകാര്യം ചെയ്യുക, സാമ്പത്തിക സ്ഥിരത ഉറപ്പാക്കുക തുടങ്ങിയ ആവശ്യങ്ങൾക്കായാണ് സഹായം തേടുന്നതെന്നാണ് വിവരം. നിർദേശത്തിന്റെ വ്യവസ്ഥകൾ, പലിശ, തിരിച്ചടവ് രീതി എന്നിവയിൽ ഇരുരാജ്യങ്ങളും ചർച്ച നടത്തേണ്ടിവരും. അമേരിക്കയുടെ ഔദ്യോഗിക പ്രതികരണം വ്യക്തമല്ല.